Hökuməti iqtisadiyyata ziyan vuran sərt və sərt pul-kredit siyasətindən geri çəkilməyə çağırıram

Azərbaycan hökumətinin həyata keçirdiyi səhv pul-kredit siyasəti uzun müddət davam edərsə, bu nəinki ölkədə real sektoru məhv edəcək, eyni zamanda neftdənkənar sahələrə böyük zərbə vuracaq ki, bu da nəticədə manatı ciddi devalvasiyaya uğradacaq. Bu fikri Gaçıqlamasında millət vəkili Əli Məsimli deyib. Onun sözlərinə görə, Azərbaycan manatının devalvasiyasına təsir edən bir sıra amillər var. "Bunlar ilk olaraq, ölkədən kapital axını, Azərbaycana daxil olan kapitalın tədiyyə balansında gedən proseslər, eyni zamanda Azərbaycanın əsas xarici ticarət partnyorlarından olan Rusiya rublundakı proseslərdir”, – deyə millət vəkili vurğuladı.

Deputatvəkili hesab edir ki, ABŞ Federal Ehtiyat Sisteminin də faiz dərəcələri ilə bağlı qərarları da psixoloji cəhətdən öz təsirini göstərdi. Ə.Məsimli onu da əlavə edib ki, Azərbaycan manatınıın üzən məzənnəyə keçməsi elan olunsa da, bu beynəlxalq praktikada olduğu kimi həyata keçirilmir və bu da müəyyən problemlər yaradır: "Belə ki, Azərbaycan hökuməti və aidiyyatı orqanlar suni surətdə manat qıtlığı yaratamaqla kursu saxlayırlar. Bu, müəyyən vaxt kəsiyi üçün effekt versə də, uzun müddətli zaman keçərli deyil. Əgər bu proses uzun müddət davam edərsə real sektoru boğacaq. Digər tərəfdən əgər Mərkəzi Bank süni manat qıtlığı yaratmaqla vəziyyətdən çıxmaq istəyirsə, bu improviziya yoludur. Bu da uğurlu variant deyil. Çünki bir müddətdən sonra manatda ciddi surtədə devlavasiyalar baş verə bilər. Odur ki, yumaşaq devalvasiya prosesi davam etsin. Yumşaq devalvasiya proses davam edərsə təqribən manat təqribən 2 manat və ondan bir az yuxarı qalxa bilər. Yox, əgər bu səhv pul-kredit siyasəti davam edərsə, onda manat daha ciddi devalvasiyaya uğraya bilər.”

Ə.Məsimli əlavə etdi ki, əgər Azərbaycan hökuməti 2015-ci il 21 fevralda kabinetdə oturub dolların qiymətini manata nisbətdə 34% qaldırmasaydı, yumşaq devalvasiyaya getsəydi, dollar 90 qəpikdən yuxarı qalxmayacaqdı. "İndi də hökumət yumşaq devalvasiyaya gedərsə, onda ilin sonunadək manatın məzənnəsi indikindən bir az çox ola bilər. Yox bu siyasət davam edəcəksə, onda təkcsə real sektor məhv olmayacaq, həmçinin neftdən kənar digər sahələrə də böyük zərbə dəyəcək. Manat da ciddi devalvasiyaya uğraya bilər. Ona görə də Azərbaycan hökumətini ölkə iqtisadiyyatına ziyan vuran ifrat sərt və sərt pul-kredit siyasətindən geri çəkilməyə çağırıram. Əgər Azərbaycan hökumətu bu siyasətdən geri durmazsa, xoşagəlməz proseslər baş verə bilər. Bu da öz növbəsində əhali üçün ağrılı olacaq. Odur ki, hökumət yumşaq devalvasiya yolunu seçməlidir”, – millət vəkili qeyd etdi.